Уч мамлакат БМТдан Фаластин ва Исроил бўйича йиғилиш ўтказишни сўради
Хитой, Норвегия ва Тунис давлатлари Исроил ва Фаластин ўртасидаги зиддият кучайиб бораётгани сабабли БМТ Хавфсизлик Кенгашининг фавқулодда йиғилишини ўтказишни таклиф қилди, дея хабар бермоқда Франс Пресс агентлиги.
Қайд этилишича, таклиф қилинган йиғилиш Исроил ва Фаластин вакиллари иштирокида ўтказилади.
Агентликнинг ёзишича, шу ҳафтада БМТ Хавфсизлик Кенгаши виртуал форматда ушбу масалага бағишланган иккита ёпиқ йиғилиш ўтказган.
Эслатиб ўтамиз, душанба куни кечқурун Исроил ва Фаластиннинг Ғазо сектори ўртасидаги чегарада вазият кескин тус олганди.
Маълумотларга кўра, ракета ҳужумлари оқибатида олти нафар исроиллик ҳалок бўлган ва 200 дан ортиқ киши жароҳат олган. Ғазода эса Исроил ҳужумларидан 67 нафар фаластинлик ҳалок бўлган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter