Reuters ўтказган сўров натижаларига кўра, Доналд Трампнинг АҚШ президенти лавозимига киришганидан бери рейтинги 3 фоизга пасайган.

Шу билан бирга, Трампнинг ҳаракатларини салбий баҳоловчилар улуши бир ой давомида 41 фоиздан 51 фоизга ошган.

Рейтингнинг пасайишига президентнинг иқтисодий соҳадаги ҳаракатлари, хусусан, Хитой, Мексика ва Канададан импорт қилинадиган товарларга, шунингдек, пўлат ва алюминий импортларига божлар жорий этгани асосий сабаб бўлди. Бундан ташқари, Америка президенти Европа Иттифоқидан импорт қилинадиган товарларга ҳам импорт божлари киритиш билан таҳдид қилмоқда.

Респондентларнинг атиги 39 фоизи президентнинг ҳаракатларини маъқуллайди, бу аввалги сўровдан 4 фоизга ва 2017 йилда Трамп маъмуриятининг биринчи йилидан 14 фоизга кам.

Шу билан бирга, президентнинг иқтисодий сиёсати нотўғри йўналишда кетаётганига ишонадиган америкаликлар улуши 53 фоизни ташкил этади. Бир ой аввал респондентларнинг атиги 43 фоизи Трампнинг иқтисодий ривожланиш бўйича режалари нотўғри, деб ҳисоблаган.