Трамп учта давлат билан божларни юмшатиш бўйича музокара бошлади
Трамп Вьетнам, Исроил ва Ҳиндистон билан божларни юмшатиш бўйича музокараларни бошлади.
CNN музокаралардан хабардор манбага таяниб хабар беришича, АҚШ президенти ушбу давлатлар вакиллари билан божларни пасайтириш имконини берувчи савдо битимларини тузиш имкониятларини муҳокама қилган.
«Исроил Бош вазири Бинямин Нетаняҳу 7 апрел куни Оқ уйга ташрифи чоғида Трамп билан божхона божларини шахсан муҳокама қилиши мумкин», – дея хабар беради Axios.
Эслатиб ўтамиз, Дональд Трамп 2 апрел куни бошқа мамлакатлар товарларига бож жорий этишини маълум қилди. Унга кўра, Исроил учун АҚШ импорт қилинадиган товарларга 17 фоиз, Вьетнам учун 46 фоиз, Ҳиндистон учун эса 26 фоиз бож ўрнатилди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter