Телефонини еб қўйган одам (фото)
Мисрнинг Асуан шаҳрида шифокорлар эркакнинг қорнидан тугмачали телефонни олиб ташлашди. Бу ҳақда Daily Mirror хабар бермоқда.
Миср фуқароси Aсуан университет касалхонаси шифокорларига қорин оғриғи шикояти билан мурожаат қилган. Комплексли кўрик пайтида эркак рентген текширувидан ўтказилган. Буни қарангки, унинг ошқозонида бутун бир мобил телефони борлиги аниқланди.
Бемор шифокорларга қурилмани олти ой олдин ютиб юборгани, гарчи шу вақт мобайнида оғриқдан азоб чеккан бўлса ҳам, ёрдам сўрашдан уялганини тан олди. У телефон организмдан табиий йўл билан чиқиб кетишига умид қилган, лекин, афсуски, бундай бўлмаган. Ёт жисм истеъмол қилинган таомнинг ўтиши ва ҳазм бўлишига йўл қўймаган. Бу эса кучли оғриқларни келтириб чиқарган.
Мисрлик бемор операция қилинди ва телефон чиқариб олинди. Эркакнинг соғлиғи ҳақида ҳеч қандай маълумот йўқ, лекин унинг тўлиқ соғайиб кетиши тахмин қилинмоқда. Телефонни ейишига нима сабаб бўлгани эса айтилмаяпти.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter