Россиялик қизга iPhone шаклидаги қабр тоши ўрнатилди
Россиянинг Уфа шаҳрида ғайритабиий қабр тоши ясалди. Шаҳарнинг жанубий қабристонида 28 ёшли Рита Раисовна исмли қизнинг қабри устига у жуда ёқтирадиган «iPhone» телефони шаклидаги қабр тоши ўрнатилди. Бу ҳақда «Haber7.com» хабар бермоқда.
Қора мармардан ясалган тошда марҳуманинг исми ва шарифи, туғилган ва вафот этган йиллари ёзилган. Шу билан бирга, қабр тошида ярим тишланган олманинг ҳам сурати бор.
Маҳаллий ОАВнинг ёзишича, қиз 2016 йилда вафот этган, қабртоши эса яқинда ўрнатилган. Рита хориждан смартфонларни олиб келиш, уларни сотиш ва тузатиш билан шуғулланган. Шу сабабдан ҳам яқинлари унга айнан шундай қабртоши ўрнатишга қарор қилишган. У вафот этган йили охирги русумдаги смартфон «iPhone 6» бўлгани учун айнан шу қурилма шакли танланган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter