Россия Украина шаҳарларига 75 та ракета учирди, улардан 41 таси ҳаво мудофааси ёрдамида зарарсизлантирилган. Бу ҳақда Украина Қуролли кучлари бош қўмондони Валерий Залужний маълум қилди. 

Унга кўра, ракета зарбаларидронлар ёрдамида амалга оширилган.

Айни вақтда Украинанинг бир қанча шаҳарларида – Львов, Днепропетровск, Харьков, Одесса ва Ивано-Франкивскда кўплаб инфратузилма шикастланишлари қайд этилди.

Украина президенти Володимир Зеленский Киев марказидан видеомурожаат йўллаб, аҳолини бомбапаноҳларда бўлишини сўради. Ва ракета зарбалари, асосан «энергетика тизимини ишдан чиқариш ҳамда одамларга қаратилаётгани»ни таъкидлади.

«Улар ваҳима ва тартибсизликни исташяпти. Бизнинг энергия тизимимизни йўқ қилишни хоҳлашади. Иккинчи мақсадлари эса – одамлар. Улар кўпроқ зарар етказиш учун атайлаб шундай вақт ва шундай мақсадларни танладилар», –  дейди у.

Эслатиб ўтамиз бир муддат олдин, Киевдаги портлашлар туфайли қурбонлар ва ярадорлар борлиги ва жамоат транспортлари ҳаракати тўхтаб қолгани ҳақида хабар берилган эди.