АҚШлик республикачи сенатор Тед Круз, агар партия 2022 йилда Вакиллар палатаси аъзолигини қайтариб олса, АҚШ президенти Жо Байденга импичмент эълон қилиш режада борлигини айтди. Бу ҳақда Fox News телеканали маълум қилмоқда.

Сенаторнинг айтишича, республикачилар демократларга собиқ президент Доналд Трампга импичмент эълон қилишга урингани учун шундай жавоб беришни режалаштирмоқда.

Унинг сўзларига кўра, Вакиллар палатасида республикачиларнинг ғалаба қозониш имконияти 90 фоиз, ҳозирда тенг тақсимланган Сенатнинг қайтиши учун эса 50 фоизга тенг.

Аввалроқ АҚШ Конгресси Байденнинг ўғли туфайли унга импичмент эълон қилишни талаб қилган эди. Байден коррупцияга алоқадорликда айбланган, чунки унинг ўғли Хантер хизматлар кўрсатиш эвазига бошқа мамлакатлар фуқароларидан совғаларни қабул қилган, шунингдек, бошқа мамлакатлар сиёсатига таъсир қилган.

Бунгача Республикачилар палатаси аъзоси Лорен Боберт АҚШ қўшинларини Афғонистондан олиб чиқишда йўл қўйган хатолари туфайли президент Байденни истеъфога чиқишга чақирган эди.