Қирғизистонда 202 нафар амалдор ишдан олинади
Миллий хавфсизлик давлат қўмитаси криминал авторитетлар — Қамчи Кўлбоев ва Раимбек Матраимовга алоқадор 202 нафар мансабдор шахсни аниқлади. Бу ҳақда Давлат қўмитаси раиси Қамчибек Ташиев маълум қилди.
Миллий хавфсизлик давлат қўмитаси раҳбарининг сўзларига кўра, уюшган жиноятчиликка қарши кураш янада кучайтирилади.
Қамчи Кўлбоев ва Раимбек Матраимовлар билан у ёки бу тарзда алоқадор бўлган мансабдор шахслар ҳам жавобгарликка тортилади.
«Сўнгги пайтларда уюшган жиноий гуруҳларга алоқадор бўлган, қонунбузарликларга йўл қўйган бир қатор давлат хизматчиларини аниқладик. Жумладан, Раимбек Матраимовга алоқадор 92 нафар мансабдор шахс, Кўлбоевга алоқадор 60 нафар амалдор борлиги аён бўлди. Бундан ташқари, божхона хизматининг 50 нафар ходимини фош қилдик. Шундай қилиб, 202 нафар давлат хизматчиси жиноятчилик, уюшган жиноятчилик ва коррупцияга алоқадорлиги учун хизматидан четлаштирилади», деди Қамчибек Ташиев.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter