Осори атиқалар кушандаси 5,1 млн долларлик буюмларни синдирди
Даллас (АҚШ, Техас штати) полицияси Санъат музейидаги буюмларни синдирган 21 ёшли Брайан Эрнандесни ҳибсга олди, деб хабар берди NBC.
Фото: «Fox 4 News»
Эрнандес музейга қоронғу тунда, яширинчи кирган. Безори қадимий юнон амфораси, косаси ва тувагини ҳамда ҳинд сопол буюмини уриб синдирган. Буюмларнинг умумий қиймати — 5,1 млн доллар атрофида.
Музей қўриқчилари Эрнандесни тутиб олиб, полицияни чақиришган. Унга ўта йирик миқдорда қасддан зарар етказиш айблови қўйилди. Қадимий буюмлар кушандаси 5 йилгача озодликдан маҳрум этилиши мумкин.
Яқинда Луврдаги машҳур «Мона Лиза» суратига эко-безори торт чаплаганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter