Польша Россия ва Беларус билан чегарада танкка қарши тўсиқлар ўрната бошлади (фото)
Польша ҳукумати Россия ва Беларус билан чегараларда мудофаа тўсиқларини ўрнатишга қарор қилди. Бу ҳақда Польша мудофаа вазири Мариуш Блащак хабар берди.
«Биз Россия ва Беларус билан чегарада хавфсизлик чораларини кучайтиришни бошладик. Бу бизнинг мудофаа ва олдини олиш стратегиямизнинг бир қисмидир. Калининград вилояти билан чегарада биринчи истеҳкомлар қурилмоқда», – дейди Блащак.
У ўзининг Twitter’даги саҳифасида Польша-Россия ва Польша-Беларус чегараларидаги назорат-ўтказиш пунктлари яқинидаги йўлда металл ва бетондан ясалган танкка қарши типратиканларни акс эттирувчи бир нечта фотосуратларни жойлаштирган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter