Пентагон АҚШ арсеналларидан Украинага олиб келинган қурол ва ўқ-дориларни тўлдириш учун 1,2 миллиард долларлик шартнома имзолади. Бу ҳақда АҚШ мудофаа вазири ўринбосари Уильям ЛаПланте маълум қилди.

Унинг таъкидлашича, бу маблағнинг 352 миллион долларига Javelin танкга қарши ракеталари учун сотиб олинади, 624 миллион доллари эса Stinger зенит-ракеталарини етказиб беришга йўналтирилади. Яна 33 миллион M142 HIMARS бир нечта ракета учиргичларига сарфланади. Шунингдек, шартномага кўра, 155 мм артиллерия снарядлари, Switchblade дронлари ва радарларни етказиб кўзда тутилган.

Аввалроқ, ЛаПланте АҚШнинг Киевга ҳарбий ёрдам кўрсатиш дастури 30 сентябрда тугайдиган жорий молиявий йил охирида тўхтатилмаслигини айтган эди. Унинг таъкидлашича, АҚШнинг Украинага ҳарбий ёрдам учун буджети икки йилга мўлжалланган.

Вашингтон Киевга юқори аниқликдаги 155 миллиметрли M982 Excalibur снарядларини жўнатгани маълум бўлган эди. Қайд этилишича, қурол-яроғ етказиб бериш АҚШ Конгресси томонидан маъқулланган жами 92 миллион долларлик ҳарбий ёрдам пакетида кўзда тутилган. Битта ракетанинг нархи 100 минг долларга баҳоланмоқда, жами Украина Қуролли Кучлари (АФУ) 900 тагача шундай ўқ-дориларни олиши мумкин

Маълумот учун, Вашингтон Киевга ҳарбий ёрдамни мунтазам ошириб бормоқда. 24 август куни АҚШ президенти Жо Байден мамлакат Украинага қарийб 3 миллиард долларлик ҳарбий ёрдам беришини маълум қилган эди.