Килиан Мбаппе тартибсизликларни уюштираётганларга мурожаат қилди
Таниқли футболчи Килиан Мбаппе зтартибсизликларни тўхтатиш кераклигини айтди. Мамлакат бўйлаб тартибсизликлар тўртинчи кунки давом этмоқда.
Килиан Мбаппе полициячининг ўқидан ҳалок бўлган ўсмирнинг оила аъзоларига ҳамдардлик билдирди, деб хабар бермоқда Sky News.
«Очиғи, биз бу ўлим қандай шароитда содир бўлганига бефарқ қарай олмаймиз. Ушбу фожиали воқеадан сўнг биз халқ ғазаби ифодасига гувоҳ бўлдик, унинг моҳиятини тушунамиз, лекин бу шаклини маъқуллай олмаймиз. Зўравонликлар ҳеч нарсани ҳал қилмайди», дейди футболчи.
Мбаппе вазиятни номақбул деб ҳисоблаган ва уни тўхтатишга чақирган.
Сўнгги маълумотларга кўра, тартибсизликларга қарши курашга 45 минг полициячи жалб қилинган, улар томонидан мингга яқин киши қўлга олинган.
Эслатиб ўтамиз, Францияда Ноил исмли араб миллатига мансуб 17 ёшли йигитнинг Парижда полициячи томонидан отиб ўлдирилиши муносабати билан тартибсизликлар давом этмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter