Жо Байден Европага сафарини бошлади
29 октябрь, жумага ўтар кечаси Римдаги Фюмичино халқаро аэропортига АҚШ президенти Жо Байденнинг самолёти келиб қўнди. У Италияга Йигирмалик (G20) давлатлари раҳбарларининг юзма-юз учрашувида қатнашиш учун ташриф буюрди.
Байденнинг сафар доирасидаги биринчи учрашуви Ватиканда бўлади — Рим папаси Франциск АҚШ президентини жума куни қабул қилади.
АҚШ давлат раҳбарининг Римдаги асосий учрашувларидан бири ҳам бугунга белгиланган — Франция президенти Эмманюэл Макрон билан музокаралар ўтказади. Байден, шунингдек, Италия президенти Сержо Маттарелла ва бош вазири Марио Драги билан учрашади.
G20 сессиясининг иқтисодиёт ва бошқа халқаро масалалар бўйича тадбирлари шанба ва якшанба кунларига белгиланган. Шундан сўнг АҚШ президенти БМТнинг иқлим масалаларига бағишланган юқори даражадаги конференциясида иштирок этиш учун Глазго (Шотландия)га учиб кетади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter