Жо Байден биринчи марта набирасини тан олди
АҚШ президенти Жо Байден биринчи марта ўзининг еттинчи набираси, ўғли Хантернинг 2018 йилда туғилган тўрт ёшли қизини омма олдида тан олди.
Тўрт ёшли Нэви АҚШ президентининг набираси экани қизчанинг онаси Лунден Робертс алимент ундириш учун судга ариза топширганидан кейин маълум бўлди.
«Ўғлим Хантер ва Лунден қизларининг манфаатларига мос келадиган муносабатларни ривожлантириш учун биргаликда ҳаракат қилишмоқда», деди Байден People журнали томонидан эълон қилинган баёнотда.
Робертс алимент талаб қилганидан кейин Хантер Байденнинг оталиги ДНК тести орқали аниқланган. Президентнинг ўғли Робертс билан учрашуви ҳақида 2021 йилги хотираларида ёзган ва бу унинг спиртли ичимликлар ҳамда гиёҳванд моддаларга қаттиқ қарам бўлганида содир бўлганини айтган.
Президент Байден аввалроқ неварасини тан олмагани учун сиёсий рақиблар ва экспертлар томонидан танқидларга дуч келганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter