Жанубий Корея тоғларида қутқарувчи вертолёт қулаб тушди
Бортида етти йўловчи, жумладан, бемор олиб кетаётган қутқарувчи вертолёт Жанубий Корея тоғларида қулаб тушди, дея хабар берди «YTN» телеканали.
Ҳалокат жума, 1 май куни тахминан соат 12 ларда Кёнсан-Намдо провинциясининг Чирисан тоғларида содир бўлган. Чақирувга кўра етиб борган вертолёт юраги тўхтаб қолган беморни олиб қайтаётганда Чхонван чўққиси яқинида қулаб тушган.
Қутқарувчилар жамоаси жароҳатланмаган, лекин бемор ва унинг васийси оғир аҳволда. Улар шу яқин орадаги шифохонага етказилган.
Маълум бўлишича, ҳалокат чоғида портлаш содир бўлмаган. Вертолёт Кёнсан-Намдо провинциясининг ёнғин ўчириш бошқармасига қарашли бўлган, бироқ номи кўрсатилмаган авиакомпаниядан ижарага олинган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter