Франциялик қария пашшани ўлдираман деб уйни портлатиб юборди
Францияда кекса одам электрон пашша ўлдиргич ёрдамида ҳашаротни гумдон қилишга уринди, натижада ўз уйини портлатиб юборди. Бу ҳақда «The Mirror» хабар берган.
Эркак киши тамадди қилишга ўтирганда қаёқдандир пашшанинг визиллагани қулоғига чалинди. Пашшадан қутулиш учун у электрон пашша ўлдиргичдан фойдаланди. Бахтга қарши, уйда газ баллонидан газ сизиб чиқаётган бўлган. Электр ускунадан чиққан учқун газнинг портлашига олиб келган. Оқибатда ошхона ва уйнинг бир қисми бутунлай вайрон бўлган.
80 ёшли Франция фуқаросининг ўзи Либурн шаҳар шифохонасига етказилган. Унинг қўллари куйиб қолганди. Яна чуқурлаштирилган тиббий текширувлардан ўтиши айтилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter