7 август куни кашф этилган 2024 PT5астероиди сайёрамизга яқинлашади, лекин у билан тўқнашмайди, балки орбитада айлана бошлайди. Олимлар самовий жисмнинг траекториясини таҳлил қилиб, шундай хулосага келишди.

Астероиднинг диаметри тахминан 10 метрни ташкил қилади. Мадриднинг Комплутенсе университети (Испания) жамоаси у 29 сентябрдан 25 ноябргача Ер атрофида айланиб чиқишини ҳисоблаб чиқди. Кейин у сайёранинг тортишиш зонасини тарк этади ва қуёш тизими бўйлаб саёҳатини давом эттиради.

«Бошқача айтганда, 56,6 кун ичида Ер иккита йўлдошга эга бўлади», деб таъкидлади тадқиқотчилар.
Объект тахминий равишда Аржуна астероиди сифатида таснифланган. Бу гуруҳга Ерга яқин жойлашган ва сайёрамиз орбитасига ўхшаш орбитага эга бўлган астероидлар киради.

Янги сунъий йўлдошни кузатиш осон бўлмайди. Олимларнинг фикрига кўра, унинг мутлақ катталиги 27,6 ни ташкил қилади - бошқача айтганда, бу кўпчилик ҳаваскор телескоплар томонидан кўринмайдиган хира объект.

Олимларнинг қўшимча қилишича, астероид Ер орбитасига бир неча марта кириб келади. У 2025 йил январь ойида, кейин эса 2055 йилда қайтади.

Бу Ернинг ягона «вақтинчалик» мини йўлдоши эмас. 1981 йилда орбитада 2022 NX1 астероиди пайдо бўлди; Америка Астрономия Жамиятининг Тадқиқот эслатмаларига кўра, у 2022 йилда яна учиб кетди ва 2025 йилда қайтиб келади.