Дуровни вақтинча ҳибсда сақлаш муддати 48 соатга узайтирилди
Павел Дуровни вақтинча ҳибсда сақлаш муддати 48 соатга узайтирилди, деб хабар берди AFP ўз манбасига асосланиб.
Франция суди тегишли қарорни 25 август куни кечқурун қабул қилди. Сўроқ учун ҳибсга олиш муддати 96 соатдан ошмаслиги керак — бу вақтдан кейин Дуров ё озод қилинади ёки унга нисбатан айблов эълон қилинади, дейилади агентлик хабарида.
Демак, Дуров 28 августгача ҳибсда сақланади, муддат тугагач, унга айблов эълон қилинади. Тадбиркорга яқин манбалар маълумотига кўра, адвокатлар гаров эвазига қўйиб юбориш ёки уй қамоғига жўнатишни сўрашлари мумкин. Француз матбуоти хабарларига кўра, Дуров катта эҳтимол билан тергов давомида ҳибсда сақланади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter