Доналд Трамп яна бир жудоликка учради
Трампнинг опаси, судья Мэриэнн Трамп Барри 86 ёшида вафот этди. Бу ҳақда New York Times нашри хабар берди.
«Барри Манхеттеннинг Шарқий томонидаги уйида вафот этди», деб ёзади газета.
Манбалар ўлим сабабларини ошкор этмаган.
Мэриэнн Трамп Барри 2019 йилгача Нью-Жерсида федерал судья бўлган. Манбаларга кўра, Трамп тез-тез опасининг фикрини тинглаган, бироқ уларнинг жияни Мэри Трамп собиқ президентнинг опаси танқидий фикрлар билдирган аудиоёзувларни эълон қилганидан кейин уларнинг муносабатлари бузилиб кетган.
Сўнгги бир неча йил ичида Трамп бир қанча йўқотишларга учраган. Унинг укаси Роберт 2020 йилда, биринчи рафиқаси Ивана эса 2022 йилда вафот этганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter