Давосдаги Жаҳон иқтисодий форуми «омикрон» туфайли бошқа муддатга кўчирилди
Давос (Швейцария) Жаҳон иқтисодий форуми ҳар йилги анъанавий юзма-юз учрашувларни «омикрон» штамми туфайли январь ойидан ёз фаслига кўчирди. Бу ҳақда ташкилот сайтида маълум қилинди.
Худди бир йил олдингидек, мулоқотлар рақамли форматда ташкил этилиши мумкин.
«Анъанавий учрашувлар Давос-Клостерс (Швейцария)да 2022 йилнинг 17–21 январь кунлари ўтказилиши режалаштирилганди. Энди бу муддат ёзнинг бошларига кўчирилди», — дейилади ташкилотнинг баёнотида.
Маълумот учун: Давос форуми биринчи марта 1971 йилнинг январида ташкил этилган. Бу халқаро сиёсат ва бизнес элита вакилларининг Давос курорт шаҳри мезбонлик қиладиган иқтисодий анжуман шаклида ўтувчи анъанавий йиллик учрашувидир.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter