COVID-19: Туркия ўз вакцинасини клиник синовдан ўтказишни бошлади
Туркияда коронавирусга қарши ўз вакцинасини клиник синовдан ўтказишнинг биринчи босқичи бошланди, дея хабар берди республика соғлиқни сақлаш вазири Фахреттин Кожа.
«Бугун Туркияда коронавирусга қарши маҳаллий вакцинани синовдан ўтказиш бошланди. Вакцина клиник синовларининг биринчи босқичи Эрдиес университетида (Кайсери шаҳрида) ўтказилмоқда», — дея маълум қилди Кожа журналистларга.
Аввалроқ Кожа коронавирус пандемияси Туркияда иккинчи чўққисига етганини эълон қилганди. Чоршанба куни коронавирусга чалинганлар сони 2391 кишини ташкил этди. Бу апрелнинг охиридан бери қайд этилган энг юқори кўрсаткичдир.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter