Шимолий Лоди шаҳри прокуратураси Aпеннин оролларида COVID-19 юқтирган биринчи италиялик бўлган Маттиа Маэстрига қарши терговни тугатди, деб хабар беради пайшанба куни Ansa ахборот агентлиги.

Ушбу маълумотларга кўра, Италияда «биринчи рақамли бемор» деб аталувчи 39 ёшли Маэстри коронавирус инфекциясини тарқатишда айбланган. Бир ярим йил олдин суд-тиббиёт органлари унинг касаллиги билан боғлиқ ҳолатларни текшира бошлаган. Хусусан, у Кодоньо шаҳридаги шифохонага ётқизилганида шифокорларга одамлар билан бўлган охирги алоқалари ҳақида ҳамма нарсани айтмаган, деган шубҳалар бор эди. Бироқ якунда тергов бу одам ҳеч қандай жиноят қилмаган деган хулосага келди ва бир кун аввал унинг иши архивга топширилди.

Маэстри 2020 йил 20 февралдан 21 февралга ўтар кечаси юқори иситма билан Кодоньо шифохонасига ётқизилган. Унинг коронавирусга топширган тести шу заҳоти мусбат натижа берган. У уч ҳафта реанимация бўлимида ётган. «Биринчи рақамли бемор»нинг ўзи ҳам ўз ҳаёти учун шифокорларга қарздор эканлигини бир неча бор таъкидлаган, бироқ у билан содир бўлган воқеани абадий унутишни истарди.

Aслида биринчи COVID-19 инфекцияси Италияда 2020 йил январь ойи охирида Aпеннин оролларида гастроль сафари билан бўлган хитойлик кекса эр-хотинда аниқланган. Хитой фуқаролари зудлик билан Римдаги Lazzaro Spallanzani номидаги Юқумли касалликлар миллий институтига олиб кетилиб, у ерда тўлиқ даволаниш курсидан ўтган ва апрель ойи охирида шифохонадан чиқарилган.