Чанг босиб ётган эски чойнак ярим миллион долларга сотилди
Британия фуқароси болохонада Хитойнинг Цяньлун императори ҳукмронлиги даврига оид чойнакни топиб олди. У «Hansons Auctioneer» аукционида 495 минг долларга сотилди, деб ёзади UPI портали.
Собиқ эгасининг сўзларига кўра, идишни бобоси Иккинчи жаҳон уруши даврида Осиёдан Буюк Британияга олиб келган. У бобосидан қолган ёдгорликни антиқа буюмлар дўконига сотмоқчи бўлгани, лекин эксперт билан маслаҳатлашишга қарор қилганини тан олди.
Идишнинг бошланғич нархи 50 минг доллар бўлган. Бироқ саккиз нафар харидор ўзаро талашавериб, нархни тинмай кўтариши натижасида қарийб ўн баробар қимматга сотилди.
Уни номи сир сақланаётган лондонлик аукцион иштирокчиси харид қилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter