Бишкекдаги иссиқлик станциясида портлаш юз берди
Бишкекдаги иссиқлик электр станциясида авария юз берди, ҳодиса сабабларига ойдинлик киритилмоқда.
Воқеа жойига шаҳар ҳокими Айбек Жунушалиев борган. Унинг буйруғига кўра, иссиқлик марказидаги авария сабабли шаҳардаги барча мактаб ва болалар боғчалари масофавий режимга ўтади.
24.kg хабарига кўра, станцияда қозонлардан бири портлаган. Портлашга нима сабаб бўлганлиги номаълум. Шаҳар аҳолиси ўз уйларида иссиқ сув етишмаслигига дуч келди ва иситиш тизими ҳарорати сезиларли даражада пасайди.
Портлаш оқибатида беш нафар ишчи жароҳатланган. Соғлиқни сақлаш вазирлиги икки беморда куйиш шоки ўта оғир, учинчисида ўртача куйиш шоки борлиги ҳақида хабар берди. Жабрланганларнинг юз, бўйин, тана ва юқори нафас йўлларида I, II ва III даражали куйиш жароҳатлари олган. Икки киши реанимацияда, яна бири куйганлар бўлимида.
Қирғизистон Энергетика вазирлигининг хабар беришича, портлаш тахминан эрталаб соат 3 да содир бўлган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter