АҚШ давлат котиби: Трамп Путин билан тезроқ учрашишни истамоқда
АҚШ давлат котиби Марко Рубионинг маълум қилишича, президент Дональд Трамп Россия раҳбари Владимир Путин билан имкони борича яқин фурсатларда учрашиш ниятида. Ҳозирда учрашувнинг жойи ва вақти муҳокама қилинмоқда.
Рубионинг таъкидлашича, бундай учрашув Украинадаги ҳарбий можарони ҳал этишга қаратилган дипломатик саъй-ҳаракатларни жадаллаштириш мақсадида ташкил этилади.
АҚШ давлат котибининг қўшимча баёнотларида қуйидаги масалаларга эътибор қаратилган:
Россия томони Украинада ўт очишни тўхтатишга оид талабларни ўз ичига олган ҳужжат устида иш олиб бормоқда;
Агар Украина масаласидаги музокаралар самара бермаса, АҚШ Конгресси Россияга қарши янги санкциялар тўғрисидаги қонунни қабул қилиши мумкинлиги россияликларга маълум қилинган;
Санкциялар масаласи АҚШ маъмуриятидан кўра, Конгресс ихтиёридаги мустақил жараён ҳисобланади;
Вашингтон томони чексиз музокараларга эмас, яқин вақт ичида амалий натижаларга эришишга интилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter