Испаниядаги «Сан-Хуан анте Портам Латина» ҳудудида Valladolid университети антропологлари инсон қолдиқларини ўргандилар ва жанговар жароҳатлар мавжудлигини кўрсатадиган далилларни топдилар. У ерда дафн этилган 300 дан ортиқ одам милоддан аввалги 3000-3380 йиллардаги тўқнашувлар ёки босқинлар қурбонларидир.

Nature  журналида чоп этилган мақолага кўра, олимлар қолдиқларда, асосан, ўғил болалар ва катта ёшли эркакларда кўплаб жароҳатларни аниқладилар. Топилган жароҳатларнинг асосий қисмини мия жароҳатлари, шу жумладан тўмтоқ куч таъсирида, ўқ учлари ва бошқа ўткир ўткир нарсалардан олинган тузалмаган яралар ташкил этади.

 Ва яна қолдиқларни таҳлил қилиш натижасида узун суяк синиши, ўткир, пенетран яралар каби қўшимча жароҳатлар аниқланди. Қизиғи шундаки, бир қатор ҳолларда ўқлар қурбонларнинг орқа қисмига тегиб, душманнинг эҳтимолий ҳужумини кўрсатади.

Қайд этилишича, топилган жароҳатлар сўнгги неолит даврида турли гуруҳлар ўртасида бўлиши мумкин бўлган жанглар ва узоқ муддатли тўқнашувлардан далолат беради. Бу топилмалар Судан ва Мисрдаги Жебел Саҳаба қабристони, шунингдек, Германиядаги Талхайм ва Австриядаги Аспарн-Шлётц  каби бошқа жойларда топилган археологик топилмалар билан мос келади.

Тадқиқот муаллифларининг таъкидлашича, қолдиқлар суякларида ҳарбий тўқнашувлар натижасида юзага келиши мумкин бўлган жароҳатларнинг озгина қисми топилган. Бу шуни англатадики, ушбу ёдгорликка дафн этилган бошқа кўплаб одамлар ҳам худди шундай можаролар қурбони бўлган. Олимларнинг таъкидлашича, Сан-Хуан ёдгорлиги душман ҳужумига учраган аҳоли пункти ҳимоячиларининг дафн этилган жойига айланиши мумкин.