Vitaliy Klichko Zelenskiy borasida keskin gapirdi
Kiyev meri Vitaliy Klichko Ukraina prezidenti Vladimir Zelenskiy kelajakda «yo‘l qo‘ygan xatolari uchun javob berishi»ni aytdi. Bu haqda Klichko 20 Minuten nashriga bergan intervyusida ma’lum qildi.
U Zelenskiyning reytingi pastlaganidan ajablanmaganini aytgan. So‘nggi vaqtlarda o‘tkazilgan so‘rovnomalar Qurolli kuchlar qo‘mondoni Valeriy Zalujniyning obro‘si oshganini ko‘rsatgandi.
«Zelenskiy qilgan xatolari badalini to‘laydi», deydi Klichko.
Shu bilan birga, siyosatchi ukrainaliklarni o‘z rahbarini urush tugaguncha qo‘llab-quvvatlashga chaqirdi.
Klichko, shuningdek, Valeriy Zalujniyning front chizig‘idagi murosasizlik haqidagi fikrini ham qo‘llab-quvvatladi. Zalujniy o‘zi yozgan maqolada urush boshi berk ko‘chaga kirib qolgani haqida aytgandi.
Eslatib o‘tamiz, sobiq prezident Poroshenko davrida amalga o‘tirgan Klichko 2019 yildan beri hokimiyatda qolayotgan Zelenskiy bilan iliq munosabatlarga ega emas.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter