Ukraina vokzalidagi qurbonlar soni 50 kishiga yetdi
Ukrainaning Kramatorsk shahar temir yo‘l vokzaliga raketa zarbasi berilgani ortidan halok bo‘lganlar soni 50 kishiga yetdi. Ulardan 5 nafari bolalardir.
Zarba berilgan paytda vokzalda 38 kishi halok bo‘lgan. Kasalxonaga esa portlashda yaralangan 98 kishi olib borilgan. Yaralanganlardan 12 nafari kasalxonada vafot etgan. Bu haqda Donetsk viloyat harbiy ma’muriyat rahbari Pavel Kirilenko xabar berdi. Unga ko‘ra, qurbonlar soni yana ko‘payishi mumkin.
Avvalroq Kramatorsk shahar temir yo‘l vokzaliga raketa hujumi amalga oshirilgani haqida xabar qilingan edi. Bu vaqtda vokzalda evakuatsiya qilinayotgan 4 ming tinch aholi bo‘lgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter