Ukrainadagi urush qatnashchisi Rossiyaning Kostroma shahridagi kafeda yuz bergan yong‘inda 13 kishi halok bo‘lgani uchun 20 yilga hukm qilindi.

Moskva sudi Kostromadagi kafelardan birida yong‘in kelib chiqqan va 13 kishining hayotiga zomin bo‘lgan serjant Stanislav Ionkinni 20 yilga ozodlikdan mahrum qildi.

Kostromadagi «Poligon» kafesida 2022-yil 5-noyabrda yong‘in sodir bo‘lgan. Tergov ma’lumotlariga ko‘ra, Rossiya qurolli kuchlarida shartnoma asosida xizmat qilgan 23 yoshli askar Ionkin kafedagi janjal chog‘ida raketali ashyodan o‘q uzgan, natijada xonadagi shift yonib ketgan.

Ionkinning qarindoshlarining so‘zlariga ko‘ra, bundan biroz oldin u Ukrainadan qaytib kelgan, u yerda janglarda qatnashgan va yaralangan.

Prokuror mart oyi boshida bo‘lib o‘tgan munozarada Ionkinni 16 yilga ozodlikdan mahrum qilishni so‘radi.

Kafedagi yong‘indan so‘ng bino egasi va kafe direktori ham hibsga olingan. Ular yong‘in xavfsizligi talablarini buzganlik, natijada odamlarning o‘limiga sabab bo‘lganlikda ayblanmoqda.