Украинадаги уруш қатнашчиси Россиянинг Кострома шаҳридаги кафеда юз берган ёнғинда 13 киши ҳалок бўлгани учун 20 йилга ҳукм қилинди.

Москва суди Костромадаги кафелардан бирида ёнғин келиб чиққан ва 13 кишининг ҳаётига зомин бўлган сержант Станислав Ионкинни 20 йилга озодликдан маҳрум қилди.

Костромадаги «Полигон» кафесида 2022 йил 5 ноябрда ёнғин содир бўлган. Тергов маълумотларига кўра, Россия қуролли кучларида шартнома асосида хизмат қилган 23 ёшли аскар Ионкин кафедаги жанжал чоғида ракетали ашёдан ўқ узган, натижада хонадаги шифт ёниб кетган.

Ионкиннинг қариндошларининг сўзларига кўра, бундан бироз олдин у Украинадан қайтиб келган, у ерда жангларда қатнашган ва яраланган.

Прокурор март ойи бошида бўлиб ўтган мунозарада Ионкинни 16 йилга озодликдан маҳрум қилишни сўради.

Кафедаги ёнғиндан сўнг бино эгаси ва кафе директори ҳам ҳибсга олинган. Улар ёнғин хавфсизлиги талабларини бузганлик, натижада одамларнинг ўлимига сабаб бўлганликда айбланмоқда.