Qozog‘istonda hukmron «Amanat» partiyasi amaldagi prezident Qosim-Jo‘mart To‘qayevni bo‘lajak saylovda prezidentlikka nomzod sifatida ko‘rsatdi.

«Amanat»ning navbatdan tashqari XXIV qurultoyida partiya raisi Yerlan Koshanov shunday dedi:

«Bir ovozdan qaror qilindi. Hurmatli shu partiya a’zolari, Amanat partiyasining XXIV qurultoyi qarori bilan Qosim-Jo‘mart Kemelevich To‘qayev bir ovozdan Qozog‘iston Respublikasi Prezidentligiga nomzod sifatida ko‘rsatildi».

Qurultoy ishtirokchilari To‘qayev nomzodini bir ovozdan qo‘llab-quvvatlashdi.

Joriy yilning 1-sentyabr kuni To‘qayev muddatidan oldin saylov o‘tkazilishini bildirgan edi. Qozog‘istonda navbatdagi prezidentlik saylovi 20 noyabrda o‘tkaziladi. To‘qayev imzolagan konstitutsiyaga o‘zgartishlarda joriy yildan boshlab prezident faqat bir marta 7 yillik muddatga saylanishi qayd etilgan.

Ayni paytda prezidentlikka boshqa partiyalar ham o‘z nomzodlarini olg‘a surmoqda. «Auil» partiyasidan Jiguli Dayrabayev, OSDPdan Nurlan Auyesbayev, «Amanat» kasaba uyushmalaridan Meyram Kajiken nomzodlari ko‘rsatilgan.