Mutaxassislar kuchli quyosh chaqnashi tufayli yangi tahdidni e’lon qilishdi
Quyosh astronomiyasi laboratoriyasi 9 may kuni Quyoshda yangi kuchli chaqnash sodir bo‘lganini ma’lum qildi. Uning kuchi X2.2 edi, bu chaqnashning eng yuqori sinfidir. Katta plazmaning kuchli otilishi Yer tomon yo‘naltirilgan.
Ushbu chaqnash quyosh faolligining hozirgi siklidagi yettinchi eng kuchlisi bo‘ldi. Quyosh chaqnashlari rentgen nurlanishining kuchiga qarab beshta sinfga bo‘linadi: A, B, C, M va X. Chaqnash bulutlari Yerga etib kelib, magnit bo‘ronlarini qo‘zg‘atishi mumkin.
Olimlarning xabar berishicha, bu safar Yer ketma-ket ikkita zarbaga duchor bo‘ladi.
Birinchi Yerga ta’sir bugun, 10 mayning ikkinchi yarmida boshlanadi va G4 darajasidagi juda kuchli magnit bo‘roni 11 may, shanba va 12 may, yakshanba kunlari davom etadi.
«Quyosh faolligi kamida bir necha kun davomida hozirgi darajada qoladi», deyiladi laboratoriya bayonotida.
6 may kuni Quyoshda so‘nggi 10 yildagi eng yirik portlashlardan biri sodir bo‘lgani xabar qilingan edi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter