Hindistonlik ishchilar deyarli ikki haftadan beri Himoloy tog‘larida qulagan tunnel vayronalari ostida qolishmoqda.

Tosh qulashi tufayli 41 nafar qurilish ishchisi qamalda qolgan, qutqaruvchilar murakkablik tufayli jabrlanganlarni qutqara olmayapti.

Ishchilariga yetib borishning eng samarali usuli bu toshni burg‘ulab, u orqali ishchilarni yer yuzasiga tortib olish mumkin bo‘lgan quvur o‘rnatish edi. Ammo tebranishlar tufayli yana qulash xavfi qutqaruv ishlariga to‘sqinlik qilmoqda. Bundan tashqari, turli sabablarga ko‘ra kuniga bir necha marta ish to‘xtatilmoqda, deb yozadi The Guardian.

«Payshanba kuni ertalab burg‘ulash mashinasi temir to‘rga urilgan va u ichkariga kira olmagan va uni olib tashlash uchun payvandchilar chaqirilgan. Kechqurun mashina burg‘ulashni to‘xtatib, gaz kesgichlar bilan olib tashlanishi kerak bo‘lgan tirgaklarga duch keldi. Juma kuni temir buyumlar bilan to‘qnashib ketganidan keyin mashina yana to‘xtashga majbur bo‘ldi», — deb yozadi nashr.

Oxirgi 13 kun ichida mashina 60 metrga yaqin toshni burg‘uladi. Ishning sekin sur’ati va muntazam to‘xtashlar va kutilmagan holatlar ishchilarni qutqarishni jiddiy ravishda kechiktirmoqda. Qutqaruvchilarning ta’kidlashicha, tunda tog‘larda havo harorati past darajaga tushadi va bu vayronalar ostidagilar uchun xavfli bo‘lishi mumkin.

Quruvchilar yaqinlarining aytishicha, ishchilar rahbariyatni qulash xavfi haqida ogohlantirgan, lekin ularning gaplariga jiddiy e’tibor berilmagan.

Eslatib o‘tamiz, Hindistonning Uttarkashi shahrida transport magistralini yaratish bo‘yicha ulkan loyiha doirasida qurilayotgan tunnelning qulashi 12 noyabr kuni sodir bo‘lgandi.