Hindistonda suv bosgan qishloqlar soni ikki yarim mingtadan oshdi
Hindistondagi ikki yarim mingdan ortiq qishloqni suv bosgani haqida bugun, 18-iyul kuni «Times of India» xabar berdi.
Tabiiy ofat yopirilgan «choy shtati» — Assamdagi 2678 ta aholi maskani suv ostida qolgan. Oqibatda qurbonlar soni 79 kishiga yetdi. Yuzlab qoramollar nobud bo‘lgani aytilmoqda.
Hindiston shimoli-sharqida suv toshqinlari may oyi oxirlarida kuchli yog‘ingarchiliklar oqibatida Brahmaputra daryosi o‘zanidan chiqib ketganidan keyin boshlangandi. Tabiiy ofat 26 ta okrugni qamrab olgandi.
Oqibatda qariyb uch million kishi xavfli zonada qolgan. Hukumat odamlarni qutqarish choralarini ko‘rmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter