YeK rahbari Yevropa kengashi binosini tark etdi
Yevrokomissiya rahbari Ursula fon der Lyayen Yevropa Ittifoqining 27 ta davlati rahbarlari yig‘ilgan Yevropa kengashi binosidan chiqib, izolyasiyaga ketdi. Bu haqda uning o‘zi Twitter-akkauntida yozib qoldirdi.
Lyayenning so‘zlariga ko‘ra, idorasidagi xodimlardan birida koronavirus aniqlanganini u ertalab bilgan.
«Tahlil natijalarim manfiy chiqdi. Biroq ehtiyotkorlik yuzasidan o‘zimni izolyasiyaga olish uchun Yevropa kengashi binosini zudlik bilan tark etaman», — deb yozgan Yevrokomissiya rahbari.
Ma’lumot o‘rnida. 2019-yil 16-iyul kuni Ursula fon der Lyayen Yevropa ittifoqining ijroiya organi sanalgan Yevropa komissiyasi prezidentligiga saylandi. U Yevrokomissiya rahbarligiga saylangan birinchi ayol arbob sifatida tarixda qoldi. Bunga qadar u olti yil davomida Germaniya mudofaa vaziri lavozimida ishlab kelgan. Uning nomzodini Yevroparlamentning 751 deputatidan 383 nafari qo‘llab-quvvatlagan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter