— Xalqaro kurash assotsiatsiyasi (IKA) federatsiyalari nechta mamlakatda tashkil etilgan? Ayni paytda dunyo bo‘yicha qancha polvon o‘zbek kurashi bilan shug‘ullanmoqda?
                                                                                                            

     Saydullo To‘xtamishov,
                                                                                                   Oqdaryo tumanidagi 2-maktab o‘qituvchisi

Savolga  O‘zbekiston kurash federatsiyasi bosh kotibi Abbos To‘ychiboyev javob beradi:

— Bugun o‘zbek xalqiga xos jo‘mardlik, jasorat, adolatparvarlik kabi insoniy fazilatlarni targ‘ib etayotgan o‘zbek kurashi jahon miqyosida keng ommalashib ulgurdi. Xalqaro kurash assotsiatsiyasi (IKA) 1998 yili -Birinchi Prezidentimiz Islom Karimov tashabbusi bilan tashkil etilgan bo‘lib, Toshkent shahri tashkilotning shtab-kvartirasi etib belgilangan. Hozir jahonning 129 mamlakatida Xalqaro kurash assotsiatsiyasining federatsiyalari faoliyat yuritmoqda. Dunyo miqyosida 130 ming¬ga yaqin turli xil vazn toifasidagi sportchilar o‘zbek kurashi bilan muntazam shug‘ullanmoqda.