Krishtianu Ronaldu transferi uchun 20 dona qo‘y taklif qilindi
Farer orollarining «KI Klaksvik» futbol klubi vakillari «Manchester Yunayted» hujumchisi Krishtianu Ronalduning ingliz klubini tark etishi mumkinligi haqidagi mish-mishlarga kinoya bilan munosabat bildirishdi.
«Biz Ronaldu uchun 20 dona eng yaxshi qo‘yimizni taklif qildik. Hozirda «Yunayted»dan javob kutyapmiz», — deyiladi klub ijtimoiy tarmoqdagi postida.
Hozirda Ronaldu klubni rasman tark etgani yo‘q. Oldinroq Krishtianu «Atletiko Madrid» bilan navbatdagi o‘rtoqlik o‘yinini (30-iyul) o‘tkazib yuborishi, ammo «Rayo Valekano» bilan o‘yinda (31-iyul) ishtirok etishi, unda zaxirada bo‘lish ehtimoli kattaligi xabar berilgan.
Eslatib o‘tamiz, portugaliyalik futbolchiga «Atletiko Madrid» qiziqish bildirmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter