Los-Anjelesda «Terminator. Qora qismat» filmi premerasi Kaliforniyada hammayoqning kulini ko‘kka sovurayotgan tabiiy ofat tufayli qoldirildi. Bu haqda «Paramount» kinostudiyasi xabariga tayanib «CNN» ma’lum qildi.

Film 28-oktyabr kuni namoyish etilishi hamda yulduzli aktyorlar tarkibi, jumladan, Arnold Shvarsenegger, Linda Xemilton va Makkenzi Devisning qizil yo‘lakchaga chiqishi rejalashtirilgan edi.

— Biz marosimga ajratilgan taomni yong‘indan aziyat chekkan kishilarga yordam ko‘rsatayotgan Amerika Qizil Xoch tashkilotiga yuboramiz, — deyiladi kinokompaniya xabarnomasida.

Kaliforniyaning sobiq gubernatori Arnold Shvarsenegger «Tvitter»da xabar berishicha, yong‘in tufayli o‘z uyini tashlab chiqib ketgan. Shuningdek, u barchani xavfli hududni tark etishga chaqirgan.

28-oktyabr kuni kechasi shtatda yong‘in kelib chiqqan. U «Getti» laqabini oldi. Negaki yong‘in «Getti» muzey kompleksi yonida «quturyapti». Majburiy evakuatsiya hududida taxminan 3,3 mingta uy joylashgan. Alanga 160 gektar maydonni qurshab olgan.