Yaponiyadagi zilzila oqibatida tezyurar poyezd izdan chiqib ketdi
Yaponiyaning Tinch okeani sohillarida yuz bergan 7,3 balli kuchli zilzila haqida xabar bergandik. Yer qimirlashi mamlakatning shimoliy va shimoli-sharqiy prefekturalarida sezilgan. Epitsentri 60 kilometr chuqurlikda joylashgan.
NHK telekanali Toxoku liniyasida «Sinkansen» tezyurar poyezdi izdan chiqib ketgani haqida xabar berdi. Poyezdda 100 ga yaqin yo‘lovchi bo‘lgan: hech biri jarohatlanmagan, barchasi xavfsiz joyga ko‘chirilgan.
Yaponiya poytaxti Tokioda zilzila to‘lqinsimon tebranishlarni hosil qilgan.
Yaponiya OAV xabarlariga ko‘ra, yer qimirlashi oqibatida «Fukusima-1» va «Fukusima-2» AESda nosozliklar yuz bermadi.
Sunami xavfi o‘tib ketdi. Miyagi prefekturasi sohillariga taxmin qilingan 1 metrlik o‘rniga 20 santimetrlik suv to‘lqinlari yetib keldi.
Zilzila oqibatlari va jabrlanganlar haqidagi ma’lumotga aniqlik kiritilyapti.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter