Yaponiya janubiy-g‘arbiy sohilidagi Nankay yorig‘ida kuchli zilzila sodir bo‘lishi mumkin. Mamlakat hukumati ehtimoliy tabiiy ofat zararlarini baholadi.

Manbaga ko‘ra, zilzila 298 ming hayotiga zomin bo‘lishi mumkin. Zilzila bo‘lish ehtimoli 80 foizga baholanmoqda.
Ta’kidlanishicha, seysmik intensivlik Yaponiya shkalasi bo‘yicha 10 ta prefekturada maksimal 7 ballga yetadi, 24 ta prefekturada esa 6 dan past yoki undan yuqori bo‘ladi. Balandligi kamida 10 metr bo‘lgan sunami Tokio va boshqa 12 prefekturani ham qamrab olishi mumkin. Ba’zi hududlarda u 30 metr balandlikka etadi.

Sunami ko‘plab yo‘qotishlarga sabab bo‘lishi taxmin qilinyapti va zilziladan bir hafta o‘tib 12,3 million kishi yoki Yaponiya aholisining 10 foizi evakuatsiya qilinishi mumkin. Tabiiy ofatdan ko‘riladigan iqtisodiy zarar 270,3 trillion iyenni tashkil qiladi, bu davlat budjetidan ikki barobar ko‘pdir.
Mamlakat rasmiylari aholini tabiiy ofatga tayorgarlik ko‘rishni tavsiya qilmoqda.

Eslatib o‘tamiz, 28 mart kuni Myanma va Tailandda 7,7 magnitudali zilzila sodir bo‘ldi. Zilzila oqibatida qurbon bo‘lganlar soni 3085 kishidan, jarohatlanganlar soni esa 4715 nafardan oshdi.