Yangiyo‘lda noxush hodisa ro‘y berdi
Joriy yilning 26-dekabr kuni soat 21:00larda, Toshkent viloyati, Yangiyo‘l tumani, Qo‘shyog‘och QFY hududidan o‘tgan «Toshkent-Yangiyo‘l-Oqqo‘rg‘on» avtomobil yo‘lining 56-kilometrida YTH sodir bo‘ldi.
IIV YHXBB axborot xizmatiga ko‘ra, haydovchi, 1990-yilda tug‘ilgan S.E. «Kobalt» rusumli avtomobilni boshqarayotib, qarshisidan kelayotgan haydovchi, 1997-yilda tug‘ilgan E.A. boshqaruvidagi «Damas» rusumli avtomobil bilan to‘qnashuv sodir etgan. To‘qnashuv oqibatida yong‘in yuzaga kelgan.
Natijada, «Damas» rusumli avtomobil haydovchisi 23 yoshli E.A. va yo‘lovchisi 18 yoshli A.J.lar tan jarohati olib shifoxonaga yotqizilgan.
Mazkur hodisa yuzasidan surishtiruv ishlari olib borilib, to‘qnashuv sabablariga aniqlik kiritilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter