Android qurilmalar uchun Xabar.uz mobil ilovasi. Yuklab olish ×

Yangi tuzilgan Ta’lim sifatini ta’minlash milliy agentligiga direktor tayinlandi

Yangi tuzilgan Ta’lim sifatini ta’minlash milliy agentligiga direktor tayinlandi

Prezidentning tegishli farmoni bilan Adxam Yusupovich Xudoyqulov O‘zbekiston Respublikasi Prezidenti Administratsiyasi huzuridagi Ta’lim sifatini ta’minlash milliy agentligi direktori lavozimiga tayinlandi.  

Eslatib o‘tamiz, joriy yil 5-may kuni Prezidentning PF-76-son farmoni bilan Ta’lim sifatini ta’minlash milliy agentligi tashkil etilgan edi.

Hujjatda qayd etilishicha, Agentlik o‘rta maxsus, kasbiy, oliy va oliy ta’limdan keyingi ta’lim, shuningdek, kadrlarni qayta tayyorlash va ularning malakasini oshirish tashkilotlarini (ta’lim tashkilotlari) kompleks va maxsus davlat akkreditatsiyasidan o‘tkazadi.

Bunda:

  • kompleks davlat akkreditatsiyasi har 5 yilda ta’lim tashkilotlarini tashqi baholash natijalari asosida o‘tkaziladi;
  • maxsus davlat akkreditatsiyasi kadrlar tayyorlash yo‘lga qo‘yilayotgan ta’lim dasturlari bo‘yicha o‘quv jarayoni boshlanishidan oldin o‘tkaziladi.

Shuningdek, Agentlik ta’lim tashkilotlari bitiruvchilarining zamonaviy mehnat bozori talablariga mosligini o‘rganish maqsadida Umummilliy ish beruvchilar so‘rovnomasini o‘tkazadi.

Izohlar

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring