Vagonda tashilgan harbiy texnikalarga rasmiy izoh berildi
Ijtimoiy tarmoqlarda Toshkent aeroport yonidagi temir yo‘ldan vagon vagon harbiy texnikalar olib o‘tilgani, bu harbiy texnikalar qayerga nima uchun olib ketilgani bizga qorong‘u, degan ma’lumotlar tarqalgan.
Mudofaa vazirligi Axborot va ommaviy kommunikatsiyalar departamenti holatga aniqlik kiritdi.
«Shu munosabat bilan ma’lum qilamizki, O‘zbekiston Respublikasi Mudofaa vazirligining asosiy tadbirlar rejasiga muvofiq har yili ta’mirlash zavodlari negizida kapital va o‘rta ta’mirdan chiqarilgan harbiy texnikalarni qo‘shinlarda rejaviy almashtirish ishlari amalga oshirilib boriladi.
Ijtimoiy tarmoqlarda tarqalgan videoda aynan shu jarayonlar, ya’ni ta’minot va shaxsiy tarkibni tashish uchun mo‘ljallangan texnikalarning qo‘shinlariga yuborilishi aks etgan», deyiladi vazirlik munosabatida.
Avvalroq, «Tolibon» Afg‘oniston hududidan Termizning o‘qqa tutilgani haqidagi xabarni rad etgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter