Уч кишини деб миллионлаб одамлар ҳалок бўлди — Трамп
АҚШ президенти Доналд Трамп Украинада уруш бошланишига уч кишини жавобгар деб ҳисоблайди. Бу ҳақда Bild хабар берди
Овал кабинетда Салвадор президенти Найиб Букеле билан учрашган Трамп шундай деди:
«Уч кишини деб миллионлаб қурбонлар берилди. Дейлик, биринчи рақамлиси — Путин, иккинчиси — нима қилаётганини ўзи ҳам тушунмайдиган Байден, учинчиси — Зеленский».
Шундан сўнг Трамп «урушни бошлаб», қурол сўраётгани учун Зеленскийни яна бир бор қоралади:
«Уруш бошлашдан олдин, унда енгишга ишончинг комил бўлиши шарт. Ўзингдан 20 баравар каттага қарши ҳеч қачон уруш очмайсан ва кейин сенга ракета беришларини сўраб юрмайсан».
АҚШ президенти ўт очишни тўхтатиш бўйича музокараларда силжиш бўлишини ҳануз кутаётганини ҳам қўшимча қилди.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter