Ucell kompaniyasi Buxoro, Samarqand, Navoiy, Jizzax va Sirdaryo viloyatlarida kommunikatsiyalarni yaxshilash ishlarini davom ettirmoqda. 2023 yilda Ucell mobil tarmog‘i ob’yektlari soni 18 foizga oshdi. Mamlakat bo‘ylab barcha baza stansiyalarini to‘rtinchi avlod kommunikatsiyalari bilan jihozlash yakunlandi.

Ucell Texnik departamentining Integratsiyalashgan yechimlar guruhi rahbari Jaloliddin Boyqulov yangi baza stansiyalarini o‘rnatishning afzalliklari haqida ma’lumot berib o‘tdi.

«O‘tgan yili Ucellning 60 ta yangi savdo ofislari ochildi: hozirda barcha viloyat va shaharlarda kompaniyaning 140 ta zamonaviy, texnologik jihatdan ilg‘or chakana savdo shoxobchalari faoliyat ko‘rsatmoqda», – dedi Jaloliddin Boyqulov.

Buxoro viloyati M37 xalqaro avtomagistralning G‘ijduvon tumanidagi avtomobil yo‘li uzoq yillar davomida yuqori sifatli mobil aloqadan mahrum edi. Muammo endi hal qilindi. Yaqin kelajakda Ucell yuqori tezlikdagi LTE tarmog‘ini ishga tushiradi.

«Biz ushbu stansiya qurilishini ikkinchi chorakda boshlashni reja qilgan edik, hozirda esa qurilish rejasidan oldindamiz va uni yaqin bir oy ichida ishga tushirishni rejalashtiryapmiz», – dedi bu borada Ucell-Buxoro mintaqaviy direktori Mehriddin Muxamedov.

Dunyodagi eng qadimiy shaharlardan biri bo‘lmish Samarqandning yuragi – Registon maydoniga har kuni minglab xorijiy va mahalliy sayyohlar tashrif buyurishadi. Tarixiy hududda maksimal qulaylikni ta’minlash uchun shahar mehmonlariga Ucell tomonidan beshinchi avlod mobil aloqa texnologiyalari taklif etiladi.

«Sayyohlik markazlarimizda, jumladan, Registonda ham 5G aloqasi o‘rnatilgan. Joriy yilda Ucell kompaniyasi tomonidan shahar ichida va sayyohlik markazlarida, shuningdek, Samarqand shahridagi aeroport va mehmonxonalarda 29 ta 5G stansiyasi qurildi», – deya turistik shaharda olib borilgan ishlar haqida ma’lumot berdi Kattaqo‘rg‘on hududiy bosh muhandisi Orif Toirxo‘jayev.

Eslatib o‘tamiz, 2022 yilda Samarqandda birinchi marta yuqori tezlikdagi 5G internetni qo‘llab-quvvatlovchi 21 ta yangi baza stansiyalari foydalanishga topshirilgan edi. Joriy yilda Ucell yana 29 ta shunday stansiya o‘rnatdi.

Shuningdek, 2023 yilda 1172 ta antenna machta inshootlari qurilib, 2449 tasi modernizatsiya qilindi. Jami 7233 ta yangi baza stansiyalari tijorat maqsadlarida foydalanishga topshirildi. Bu raqamlarning barchasi aloqani yaxshilash bo‘yicha uzluksiz ishlar olib borilayotganidan dalolat beradi, shu sababga ko‘ra 9 million abonent Ucell mobil operatorini afzal ko‘rmoqda.