Twitter norveg siyosatchilarini nigeriyaliklarga aylantirib qo‘ydi
Twitter ijtimoiy tarmog‘i Norvegiya bosh vaziri Yonas Gar Styore hamda tashqi ishlar vaziri Anniken Hyuitfeldtlarning profillari, qolaversa, mamlakat tashqi ishlar vazirligini «Nigeriya hukumat tashkilotlari va amaldorlari» akkauntlari sifatida belgiladi.
Biroz o‘tib mamlakat TIV Twitterdan xatoni tuzatishni so‘radi.
«Garchi mamlakatlarimiz (Norvegiya va Nigeriya) o‘rtasida yaxshi ikki tomonlama munosabatlar o‘rnatilgan, alifbeda yaqin qo‘shnichilik bo‘lsa-da, sizdan bizni Norvegiya sifatida belgilashingizni so‘raymiz», — deyiladi Norvegiya TIVning ijtimoiy tarmoqdagi xabarida.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter