Toshkentda Gretsiya elchixonasi ochildi
Toshkent shahrida Gretsiya elchixonasi ochildi. Bu haqda O‘zbekiston TIV rahbari Baxtiyor Saidov ma’lum qildi.
Saidov bugun, 29-aprel kuni Gretsiyaning O‘zbekistondagi yangi tayinlangan elchisi Paraskevi Tzevelek xonimdan ishonch yorliqlari nusxalarini qabul qilib oldi.
«Elchixonaning ochilishini olqishlaymiz va bu qadam mamlakatlarimiz o‘rtasidagi hamkorlikni yanada jadallashtirishga xizmat qiladi, deb ishonamiz. Uchrashuv davomida siyosiy muloqotni mustahkamlash, savdo-iqtisodiy aloqalarni rivojlantirish, madaniy va ta’lim sohalarida hamkorliklarni kengaytirishni muhokama qildik», – deb yozadi Baxtiyor Saidov elchi xonimga O‘zbekistonda samarali va muvaffaqiyatli faoliyat yuritishini tilab.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter