Toshkentda avtobus haydovchilari qancha maosh oladi? Metro mashinistlari-chi?
Bugun Toshkent metrosiga press-tur tashkil qilingani haqida xabar berib o‘tgandik.
Rasmiylar ushbu press-turda qator savollarga, jumladan poytaxtda avtobus va metro haydovchilari qancha maosh olishi masalasiga ham izoh berib o‘tishdi.
Toshkent shahar transport boshqarmasi boshlig‘i Anvar Jo‘rayevning aytishicha, avtobus haydovchilarining maoshi bugungi kunda 3-3,5 million so‘mni tashkil qiladi.
Shuningdek, «Toshkent metropoliteni» UK rahbari Oybek Xudoyqulovning Xabar.uzga ma’lum qilishicha, metro mashinistlarining ham o‘rtacha maoshi 3-3,5 million so‘mdir. Ayrim yuqori malakali ishchilarga 4 million so‘mdan oshiq to‘lanadi. Oddiy metro xizmatchilarining oyligini qo‘shib hisoblaganda, tashkilotda o‘rtacha maosh 2,1 million so‘m, deydi metropoliten rahbari.
Yodingizda bo‘lsa, Toshkent metrosi 2020-yil 21-martdan 15-avgustga qadar karantin chora-tadbirlari sabab yopilgandi. Ushbu oylarda ham xodimlarga oylik maoshlar to‘liq to‘lab berilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter