Kumushkon tog‘larida bedarak yo‘qolgan yigit qutqarildi
22-may kuni 10 kishidan iborat o‘rtoqlar Kumushkon tog‘lariga (Toshkent viloyati Parkent tumani) dam olgani chiqishgan. Yigitlar baland tog‘likka ko‘tarilganlarida birdan kuchli yomg‘ir yog‘a boshlagan, yigitlar tezda tog‘dan tushishgan.
Biroq, pastga tushganlarida o‘rtoqlardan biri yo‘qolib qolgan.
Qolib ketgan o‘rtog‘ini qidirish uchun yigitlar Toshkent viloyati Favqulodda vaziyatlar boshqarmasi qidiruv-qutqaruv guruhidan yordam so‘rashgan.
Uch soatlik qidiruv jarayonida bedarak yo‘qolgan yigit topildi va do‘stlariga sog‘ omon topshirildi, deyiladi vazirlik xabarida.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter