Soliq tizimi organlarida qator tayinlovlar amalga oshirildi, deya xabar bermoqda DSQ matbuot xizmati.

Mashrapov Jasurbek Ro‘zimaxammat o‘g‘li Shahrixon tumani davlat soliq inspeksiyasi boshlig‘i etib tayinlangan.

J.Mashrapov 1989-yilda Andijon viloyatining Xo‘jaobod tumanida tug‘ilgan. 2011-yilda Andijon muhandislik-iqtisodiyot institutini tamomlagan. Ma’lumoti bo‘yicha buxgalteriya hisobi va audit mutaxassisligiga ega.

Hamidov Botirjon Aripdjanovich Oltinko‘l tumani davlat soliq inspeksiyasi boshlig‘i etib tayinlandi. U 1978- yilda Andijon viloyatining Andijon shahrida tug‘ilgan. 1999 yilda Andijon davlat tillar pedagogika institutini, 2005-yilda Andijon davlat universitetini tamomlagan. Ma’lumoti bo‘yicha ingliz filologiyasi, huquqshunoslik mutaxassisliklariga ega.

Almasov Akbar Asrorqulovich Urgut tumani davlat soliq inspeksiyasi boshlig‘i etib tayinlandi.

A.Almasov 1982-yilda Samarqand viloyatining Tayloq tumanida tug‘ilgan. 2003-yilda Samarqand davlat universitetining Iqtisodiyot fakultetini tamomlagan.